ගෙන්දගම් පොළොවට හඳ පායනවා කියන්නෙ හරි අපරාදෙ.. මට වෙලාවකට හිතෙනවා.. මං කවුළුවෙන් බලාන ඉන්නකොට එක පාරටම හඳ වලාකුළෙන් මෑත් වෙලා හිනා වෙන්න පටන් ගත්තා.. මාත් ඉතින් හරි බරි ගැහුණෙ හඳ එළිය දෝරෙ ගලන මුහුදු වළල්ල දිහා ටිකක් නිවිහැනවිල්ලෙ බලන් ඉන්න...
සඳ මට ඊයෙ පෙරේදා දවසක කිව්වා ඇවිත
ආපහු යන්න අහසෙ ඉඩ තියන වෙලාව බලන්න කියලා... මං අමාවකට බයයි.. ආසම නැහැ.. කිව්ව නිසා බැලුවට හොයලා බැලුවෙ නැහැ.. සඳ ඒක දන්න නිසා ද මංදා ඊයෙ වලාකුලක් ඇදලා අරන් චණ්ඩ මාරුතයක් මවලා අකුණු ගහන්න පටන් ගත්තා.. ටික වෙලාවකින් වැහි බිංදු කම්මුල උඩට වැටෙද්දි තමයි මට වැඩේ බරපතලයි කියලා තේරුනේ..
මං හොරෙන් වගේ ආයෙත් ඔලුව උස්සලා බලද්දි සඳ මුකුත් උනේ නැහැ වගේ බොහොම සැහැල්ලුවෙන් හිනා වෙනවා...
පාළොස්වකක් ආයෙත් එයිනෙ...........?
2 comments:
ලස්සනයි අදහස්...
ස්තූතියි!!!
Post a Comment
හඳපානේ ඇවිදිද්දි එක් එක්කෙනාට හිතිච්චි දේ...